தேர்தல் ஆணையத்தின் செயல்பாடுகளில் திருப்தி இல்லை: ஜவாஹிருல்லா!

சென்னை: நாடாளுமன்றத் தேர்தலில், தேர்தல் ஆணையத்தில் செயல்பாடு திருப்தி அளிக்கவில்லை என்று மமக ராமநாதபுரம் எம்.எல்.ஏ. ஜவாஹிருல்லா தெரிவித்துள்ளார்.

இதுகுறித்து பிபிசிக்கு அவர் அளித்த தொலைபேசி நேர்காணலில் தெரிவித்ததாவது:

நடந்து முடிந்த நாடாளுமன்றத் தேர்தலில் ஆரம்பத்தில் அப்பாவி மக்கள் கொண்டு சென்ற பணங்களை பறிமுதல் செய்த தேர்தல் ஆணையம், கடைசி நேரத்தில் நடந்த ஆளுங்கட்சியின் பண பட்டுவாடாவை தடுக்க எந்த முயற்சியும் மேற்கொள்ளவில்லை" என்று தெரிவித்தார்.

மேலும் "தேர்தலுக்கு முதல்நாள் 144 தடை உத்தரவு பிறப்பித்ததில் உள் நோக்கம் இருப்பதாகவே தெரிகிறது. பண பட்டுவாடாவை தடுக்க இந்த தடை உத்தரவு பிறப்பித்ததாக் கூறப்பட்டாலும், அந்த நேரத்தில் பணபட்டுவாடா நடைபெற்றதையும் தேர்தல் ஆணையம் தடுக்கவில்லை. ஆக இந்த தேர்தலில் பண பலமே வெற்றி பெற்றுள்ளது" என்றும் அவர் கூறியுள்ளார்.

எனினும் தேர்தல் முடிவுகளை ஏற்பதாகவும், அடுத்த கட்ட நடவடிக்கைகள் குறித்து கூட்டணி கட்சிகளுடன் கலந்து ஆலோசித்து முடிவெடுப்பதாகவும், அவர் தெரிவித்துள்ளார்.

Source : INNERAM