தொண்டியில் கல்வி உதவி மற்றும் சிறந்த மாணவர்களுக்கு நினைவு பரிசுகள் வழங்கும் நிகழ்ச்சி !

இராமநாதபுரம் மாவட்டம்,திருவாடானை வட்டம்,தொண்டியில் தமுமுக அலுவலகத்தில் கல்வி உதவி வழங்கும் நிகழ்ச்சியும், மேல்நிலை உயர்நிலை பள்ளிகளில் 10 ம், 12 ம் வகுப்பு தேர்வில் சிறந்த மதிப்பெண் பெற்ற மாணவ, மாணவிகளுக்கு நினைவுப்பரிசு வழங்கும் விழாவும் நடந்தது. இந்த நிகழ்ச்சிக்கு இராமநாதபுரம் த.மு.மு.க,ம.ம.க மாவட்ட தலைவர் M.சாதிக் பாட்சா அவர்கள் தலைமை வகித்தார்,ஏழை மாணவ,மாணவிகள் 10 நபர்களுக்கு உயற்கல்வி படிப்புக்கு உதவும் வகையில் தலா 15,000 வீதம் ரூபாய் 1,50,000 (ஒன்றரை லட்சம்) காசோலையாக வழங்கப்பட்டது. இந்த நிகழ்ச்சிக்கு மாணவர் இந்தியா மாவட்ட செயலாளர் கலந்தர் ஆசிக் வரவேற்புரை நிகழ்த்தினார். மாவட்ட நிர்வாகிகள் அன்வர் அலி,வாணி சித்திக்,ஜாகிர் ஹுசைன்,அஜிஸ் ரகுமான் ஆகியோர் முன்னிலை வகித்தனர் ம.ம.க. மாநில செயலர் மண்டலம் ஜெய்னுல் ஆபிதீன் தொண்டி பேரூராட்சி மன்ற தலைவர் சேகு நெய்னா துணை தலைவர் பவுசுல் ஹக் ஆகியோர் கல்வியின் அவசியம் பற்றி பேசி காசோலை மற்றும் சிறப்பு பரிசுகள் வழங்கினர். இதற்கான ஏற்பாடுகளை நகர் நிர்வாகிகள் முஹம்மது,காதர்,அன்சாரி,ரிபாக்,மீரான்,பரகத்அலி,ஜிப்ரி,செ.பி.,ஆகியோர் செய்து இருந்தனர்.முடிவில் த.மு.மு.க திருவாடானை ஒன்றிய செயலாளர் அக்பர் சுல்தான் நன்றி கூறினார்.