டிசம்பாட 6ல் இராமநாதபுரம் மாவட்டத்தில் மக்கள் திரள் ஆர்பாட்டம்

அஸ்ஸலாமு அலைக்கும்

இந்தியாவின் வரலாற்றுச் சின்னமான பாப்ரி மஸ்ஜித், காவி மதவெறியர்களால் தரைமட்டமாக்கப்பட்டு இன்றோடு 21 ஆண்டுகள் நிறைவடைகிறது.

1995 முதல் தொடர்ந்து தமுமுக, ஜனநாயக வழியில் பாப்ரி மஸ்ஜித் விவகாரத்தில் நீதி கேட்டு போராடி வருகிறது. அதன் தொடர்ச்சியாக இன்று,

* பாப்ரி மஸ்ஜித் வழக்கை உச்சநீதிமன்றம் விரைந்து முடித்து தீர்ப்பை வழங்க வேண்டும்,

* பாப்ரி மஸ்ஜித் வழக்கில் குற்றவாளிகள் மீது உரிய நடவடிக்கை எடுக்க வேண்டும்,

* பாப்ரி மஸ்ஜித் நிலத்தை முஸ்லிம்களிடம் ஒப்படைக்க வேண்டும்,

ஆகிய கோரிக்கைகளை முன்வைத்து தமுமுக சார்பில் இன்று தமிழகமெங்கும் மாவட்டத் தலைநகரங்கள் மற்றும் பெருநகரங்களில் மக்கள் திரள் ஆர்ப்பாட்டங்கள் நடைபெற்றன.

இராமநாதபுரத்தில் நடைபெற்ற ஆர்ப்பாட்டத்திற்கு மாவட்ட தலைவர் எம்.சாதிக் பாட்சா தலைமை வகித்தார். நகர் தலைவர் சுல்தான் வரவேற்புரையாற்றினார். மாவட்ட பொருளாளர் முஹம்மது சித்திக்,மாவட்ட நிர்வாகிகள் செய்யது காசீம், அஸீஸ் ரகுமான், வழக்கறிஞர் பாலா, அப்துல்ரகுமான், மற்றும் அணி நிர்வாகிகள் வழக்கறிஞர் உதுமான், புர்கான்அலி , பாபு இஸ்மாயில், கலந்தர் ஆசிக், யாசர் அரபாத், செய்யது முஹம்மது  காசீம், மற்றும் ஒன்றிய, நகர் கிளை நிர்வாகிகள் முன்னிலை வகித்தனர். இதில் மமக மாவட்ட செயலாளர் ஜாஹிர் ஹுசைன், வழக்கறிஞர் முருக பூபதி (CBI) மௌலவி ஹாஜி அலி பிர்தௌசி கண்டன உரையாற்றினார்கள். புதுவை. கோ.சுகுமாரன் (செயலாளர் மக்கள் உரிமை கூட்டமைப்பு புதுச்சேரி), A.S.M.ஜுனைத் (தமுமுக மாநில செயலாளர்) சிறப்புரையாற்றி கண்டனத்தைப் பதிவு செய்தனர்.

இந்த ஆர்ப்பாட்டத்தில் 1000த்திற்கும் மேற்பட்ட ஆண்கள்,பெண்கள் கலந்துகொண்டு, கண்டன கோஷங்களை எழுப்பினர். தமுமுக மாவட்ட செயலாளர் அன்வர் அலி நன்றி கூறினார்.

களத்தகவல்

சகோ.அக்பர் சுல்தான்
முகவை பாக்கர்