தொண்டியில் கல்வி உபகரணங்கள் வழங்கும் நிகழ்ச்சி !

மக்கள் உரிமை பத்திரிக்கை செய்தி !

இராமநாதபுரம் மாவட்டம் ,திருவாடானை வட்டம் ,தொண்டியில் நோட்டுப்புத்தகம் மற்றும் கல்வி உபகரணங்கள் வழங்கும் நிகழ்ச்சி நடைபெற்றது நிகழ்ச்சிக்கு தமுமுக மாவட்ட தலைவர் சாதிக் பாட்சா ,மமக மாவட்ட துணை செயலாளர் அசீஸ் ரகுமான்,ஒன்றிய செயலாளர் அக்பர் சுல்தான் மற்றும் மாணவர் இந்தியா ஆசிக் ,நகர் நிர்வாகிகள் முஹம்மது ,காதர் ,அப்துல் ரகுமான் ,பரக்கத் அலி ,முஹம்மது பிலால் ,இபுனு சூது, பயாஸ் அப்துல் அலி ,ஜலால் ,மீரான் ஆகியோர் கலந்து கொண்டனர் இதில் 10 மாணவர்களுக்கு கல்வி உபகரணங்கள் மற்றும் மாணவ மாணவிகளுக்கு நோட்டுப் புத்தகங்கள் வழங்கப்பட்டது .     

கடல் அட்டை மீதான தடையை நீக்க முயற்சி எடுத்து வருகிறோம்

கீழக்கரை :
கடல் அட்டை என்பது உணவு வகை. அது அழியக்கூடிய இனம் அல்ல. கடல் அட் டை பிடிப்பதற்கு விதிக்கப்பட்ட தடையை நீக்க மத் திய, மாநில அரசுகளிடம் தொடர் முயற்சிகள் மேற்கொள்ளப்பட்டு வருகிறது  என ஜவாஹிருல்லா எம்எல்ஏ கூறினார்.

கீழக்கரை நகரில் மக்களை சந்தித்து ஜவாஹிருல்லா எம்எல்ஏ குறைகளை கேட்டறிந்தார். அவரிடம் ஏராளமான மக்கள் நகரின் பல்வேறு இடங்களில் நிலவும் சுகாதாரக்கேடு உள்ளிட்ட பல்வேறு குறைகள் குறித்து மனுக்கள் மூலம் புகார் அளித்தனர் மனுக்களை பெற்ற ஜவாஹிருல் லா எம்எல்ஏ கூறியதாவது:
 

கீழக்கரையில் பொதுமக்களின் சிரமத்தை போக்க சட்டமன்ற கூட்டத்தில் வெட்டு தீர்மானம் போட்டு கீழக்கரை புதிய பஸ் ஸ்டாண்டில் மின் கட்டண வசூல் மையம் அமைக்கப்பட்டது. இந்த அலுவலகம் அவசர அவசரமாக நகராட்சி நிர்வாகத்தால் திறப்பு விழா நடத்தப்பட்டு ஒரு நாள் மட்டுமே செயல்பட்டு  தற்போது மூடப்பட்டுள்ளது. இதுகுறித்து நடவடிக்கை எடுக்கப்படும்.
மத்திய அரசு கடல் அட்டை பிடிப்பதற்கு தடை விதித்திருப்பது தேவை இல்லாதது. கடல் அட்டை அழியும் இனம் இல்லை. சாதாரண உணவு வகை. ஆகவே கடல் அட்டை தடை நீக்கம் குறித்து தமிழக முதல்வரிடமும், மத்திய அரசிடமும் தெரிவித்துள்ளேன். கடல் அட்டை தடையை நீக்குவதற்கு முயற்சிகள் மேற்கொண்டு விரைவில் இதற்கு தீர்வு காண்போம்.
 

கீழக்கரையில் ஆங்காங்கே கழிவுநீர் வாய்க்காலில் அடைப்பு ஏற்பட்டு சாலை யில் வழிந்தோடுகிறது. இதற்கு ஒரே தீர்வு பாதாளசாக்கடை திட்டம்தான். இத்திட்டத்தை கொண்டு வருவதற்கு அனைத்து நடவடிக்கைகளும் எடுக்கப்பட்டுள்ளது சட்டசபை யில் இதுபற்றி பேசியுள்ளேன்.
வரும் நிதியாண் டில் இதற்கான அறிவிப்பு வரும் என்று நம்புகிறேன்.
இவ்வாறு கூறினார்.
ஜவாஹிருல்லா எம்எல்ஏ தகவல்

புதியதலைமுறையில் பேராசிரியர் ஜவாஹிருல்லாஹ் விவாதம்

புற்று நோயாளிக்கு மருத்துவ உதவி - முகவை தமுமுக

இராமநாதபுரம் மாவட்டம் திருவாடானை வட்டம் தொண்டி அருகேயுள்ள நம்புதாளை கிராமத்தைச்சேர்ந்த எஹ்சான் பீவியின் மகள் பானு வயது 35 இவர் புற்றுநோயால் பாதிக்கப்பட்டுள்ளார் இவருக்கு மருத்துவ உதவியாக ரூ .6,500.00 பயனாளியின் தாயாரிடம் வழங்கப்பட்டது. மேலும் மாதாந்திர மருத்துவ செலவினங்களுக்காக தமிழக அரசின் TEMPORARLY IN CAPACITATION PERSON PENSION ( TIP ) மாதம்தோறும் ரூ .1,000.00 கிடைக்க அரசு ஆணை பெற்றுகொடுக்கப்பட்டது. இந்த உதவிகளை தமுமுக மாவட்ட தலைவர் சாதிக் பாட்சா மற்றும் மாவட்ட ஒன்றிய நகர நிர்வாகிகள் உடனிருந்து வழங்கினர் .

கீழக்கரை பன்னாட்டார் தெருவில் சட்டமன்ற உறுப்பினர் முனைவர் எம்.ஹெச்.ஜவாஹிருல்லா குறை கேட்பு

இராமநாதபுரம் சட்டமன்ற உறுப்பினர் சட்டமன்ற உறுப்பினர் முனைவர் எம்.ஹெச்.ஜவாஹிருல்லா கீழக்கரையில் அதிரடி ஆய்வு மேற்கொண்டார். அதன் ஒருபகுதியாக கீழக்கரையின் மைய பகுதியில் உள்ள பண்ணாட்டார் தெருவில் குறைகளை கேட்டறிந்தார்.  அப்பகுதியில் சாதிவாரி கணக்கெடுப்பு எடுக்கப் படவில்லை எற்றும், தேசிய அடையாள அட்டை இதுவரை கிடைக்கவில்லை என்றும் மக்கள் குறைபட்டனர். இது குறித்து உரிய அதிகாரிகளிடம் எடுத்துக்கூறி ஆவன செய்வதாக எம்.எல்.எ உறுதி கூறினார்.

கீழக்கரை மேலத்தெரு பிரமுகர்கள் சட்டமன்ற உறுப்பினர் முனைவர் எம்.ஹெச்.ஜவாஹிருல்லா உடன் சந்திப்பு:

கீழக்கரை மேலத்தெரு பிரமுகர்கள் சந்திப்பு:
 

கீழக்கரையில் 21.06.2013 வெள்ளிக்கிழமை மாலை சட்டமன்ற உறுப்பினர் முனைவர் எம்.ஹெச்.ஜவாஹிருல்லா திடீர் ஆய்வு மேற்கொன்றார்.அதன் ஒரு பகுதியாக கீழக்கரையின் இதய பகுதியாக திகழும் மேல தெருவில் உள்ள பாரம்பரியமான உஸ்வத்துன் ஹசனா முஸ்லிம் சங்கம் அலுவலகத்திற்கு சென்று முக்கிய பிரமுகர்களை சந்தித்தார். அப்போது கீழக்கரை தனி தாலுகா, மேலதெரு புறக்காவல் நிலையம், ரயில்வே முன்பதிவு மையம் போன்ற முக்கிய பிரச்சினை குறித்து விவாதிக்கப்பட்டது. எம்.எல்.எ அனைத்து கோரிக்கைகள் மீது எடுக்கப்பட்ட நடவடிக்கைகள் குறித்து விளக்கமளித்தார். மறைந்த முகம்மது சதக் அறக்கட்டளையின் தலைவர் செ.மு.ஹமீது அப்துல் காதர் அவர்களின் சேவை பற்றியும் நினைவலைகள் பரிமாறப்பட்டது. இச்சந்திப்பின் போது ஹைராதுல் ஜலாலியா மேனிலைப்பள்ளியின் தாளாளர் ஹமீது காக்கா உள்ளிட்ட முக்கிய பிரமுகர்கள் மற்றும் த.மு.மு .க. நிர்வாகிகள் உடனிருந்தனர்.

தங்கச்சிமடம் அரசு மேனிலை பள்ளி ஆய்வு - எம்.எல்.எ

தங்கச்சிமடம் அரசு மேனிலை பள்ளி 10ம் வகுப்பில் 100 சதவிகித தேர்ச்சியும்,12ம் வகுப்பில் 90 சதவிகித தேர்ச்சியும் அடைந்துள்ளது. இருப்பினும் அங்கு போதிய வகுப்பறை கட்டடங்கள்,தளவாட பொருட்கள்,கணிணி போன்றவை பற்றா குறியாக உள்ளதாக எம்.எல்.எ விடம் தெரிவிக்கப் பட்டது. இதையடுத்து சட்டமன்ற உறுப்பினர் முனைவர் எம்.ஹெச்.ஜவாஹிருல்லா அரசு மேனிலை பள்ளிக்கு நேரில் சென்று பார்வையிட்டார். பள்ளி தலைமையாசிரியர் பள்ளியின் தற்போதைய நிலை குறித்து எடுத்து கூறினார். பள்ளியின்  தேவை குறித்து விபரமாக எழுதி தருமாறும்,அதுகுறித்து பரிசீலிப்பதாகவும் எம்.எல்.எ கூறினார். சமூக நல ஆர்வலர் ஜஸ்டின்,ஊராட்சி மன்ற துணை தலைவர் பழனி முனியாண்டி,ஊராட்சிமன்ற தலைவர் ஞானசீலன், த.மு.மு.க.மாவட்ட தலைவர் சாதிக் பாட்சா, மாவட்ட செயலாளர் அன்வர் அலி, ஒன்றிய தலைவர் ரசூல்கான், கிளை தலைவர் ரஹ்மான் உள்ளிட்ட நிர்வாகிகள் உடனிருந்தனர்.

தங்கச்சிமடம் - எம்.எல்.எ குறை கேட்பு

இராமநாதபுரம் சட்டமன்ற உறுப்பினர் முனைவர் எம்.ஹெச்.ஜவாஹிருல்லா 21.06.2013 வெள்ளிக்கிழமை மண்டபம் ஒன்றியம் தங்கச்சிமடம் ஊராட்சியில் குறைகளை கேட்டறிந்தார். ஊராட்சி மன்ற அலுவலகத்தில் நடைபெற்ற குறைகேட்பு கூட்டத்தில் ஊராட்சிமன்ற உறுப்பினர்களும்,பொதுநல அமைப்பினரும்,சமூக ஆர்வலர்களும் கலந்து கொண்டு ஊர் வளர்ச்சி குறித்து கோரிக்கைளை தெரிவித்தனர். அரசு மனையில் குடியிருப்போருக்கு இலவச பட்டா, விதவை,முதியோர் உதவி தொகை போன்றவை நீண்டகாலமாக தீர்க்கப் படாத குறையாக உள்ளதாக தெரிவித்தனர். அதுகுறித்த முழு விவரங்களை தந்தால்  அதிகாரிகளை தொடர்பு கொண்டு பெற்று தர முயற்சிப்பதாக எம்.எல்.எ தெரிவித்தார். இச்சந்திப்பின்போது ஊராட்சிமன்ற தலைவர் ஞானசீலன், த மு மு க மாவட்ட தலைவர் சாதிக் பாட்சா,மாவட்ட செயலாளர் அன்வர் அலி, மண்டபம் ஒன்றிய தலைவர் ரசூல்கான், தங்கச்சிமடம் கிளை தலைவர் ரஹ்மான் உள்ளிட்ட மாவட்ட,ஒன்றிய, கிளை நிர்வாகிகள் உடனிருந்தனர்.

முனைவர் எம்.ஹெச்.ஜவாஹிருல்லா எம்.எல்.எ. கீழக்கரை நகராட்சியில் அதிரடி ஆய்வு:

இராமநாதபுரம் சட்டமன்ற உறுப்பினர் முனைவர் எம்.ஹெச்.ஜவாஹிருல்லா எம்.எல்.எ. கீழக்கரை நகராட்சியில் அதிரடி ஆய்வு:

21.06.2031 வெள்ளிக்கிழமை மாலை ஜவாஹிருல்லா எம்.எல்.எ கீழக்கரையில் திடீர் ஆய்வு மேற்கொன்டார். கீழக்கரை நகராட்சியின் வள்ளல் சீதக்காதி சாலை, கலங்கரை விளக்கம் பகுதி, குத்பா பள்ளிவாசல் தெரு, ஜின்னா தெரு, மேலதெரு, பண்ணாட்டார் தெரு போன்ற பகுதிகளில் நகராட்சி ஆணையாளர் உட்பட அதிகாரிகளுடன் சென்று ஆய்வு மேற்கொண்டார். தெருவோர கழிவு நீர் கால்வாய்கள் திறந்த நிலையில் ஆபத்தான முறையில் இருப்பது, குப்பைகள் கொட்ட போதிய தொட்டிகள் இல்லாமல் இருப்பது, வெள்ளிக்கிழமைகளில் கழிவு நீர் சாலைகளில் ஆறாக ஓடுவது, தெருவிளக்குகள் சில இடங்களில் சரியாக இல்லை போன்ற குறைகளை பொதுமக்கள் தெரிவித்தனர். உடனுக்குடன் நகராட்சி அதிகாரிகளிடம் எம்.எல்.எ விளக்கம் கேட்டு உடனடியாக நிவர்த்தி செய்யுமாறு அறிவுறுத்தினார். ஆங்காங்கே பெருமளவு மக்கள் திரண்டு வந்து எம்.எல்.எ விடம் கோரிக்கைகளை கூறினார்கள். பின்னர் நகராட்சி அலுவலகம் சென்று நகராட்சி கவுன்சிலர்களிடம் கலந்துரையாடல் நடத்தினார். நகராட்சியின் வளர்ச்சி பணிகள் குறித்து ஆணையாளரிடம் கேட்டறிந்து உரிய அறிவுறுத்தல்களை வழங்கினார்.பொதுமக்கள் கூறிய குறைகளை நிவர்த்தி செய்திட கால அவகாசம் குறித்து ஆணையாளரிடம் கேட்டார் ஜூலை 15க்குள் நிவர்த்தி செய்வதாக ஆணையாளர் உறுதி அளித்தார். அதன்பின் அங்கு வந்த செய்தியாளர்களிடம் எம்.எல்.எ பேசினார். இந்த அதிரடி ஆய்வின் போது மாவட்ட தலைவர் சாதிக் பாட்சா, மாவட்ட செயலாளர் அன்வர் அலி, கீழக்கரை நகர் தலைவர் சிராஜுதீன், நகர் துணை தலைவர் கவுஸ் முகைதீன், நகர் நிர்வாகி சாதிக், இஞ்சினியர் நசீர், கீழை இர்பான், திருப்புல்லாணி ஒன்றிய தலைவர் ரயிஸ் இப்ராஹிம், உள்ளிட்ட த.மு.மு.க.,ம.ம.க.நிர்வாகிகள் கலந்து கொண்டனர். மேலும் இந்த ஆய்வின்போது கீழக்கரை நகர் நல ஆர்வலர்கள் தங்கம் ராதாகிருஷ்ணன், கவுன்சிலர் முகைதீன், போன்றவர்களும், செய்தியாளர்களும் உடனிருந்தனர்.

மமகவின் இந்த நிலைபாடு முதிர்சியான முடிவே BY--செங்கிஸ் கான் இஸ்லாமிய அழைப்பாளர்

மமகவின் இந்த நிலைபாடு முதிர்சியான முடிவே....

BY--செங்கிஸ் கான் இஸ்லாமிய அழைப்பாளர்

தமிழகத்தில் காலியாக உள்ள 6 மாநிலங்களவை உறுப்பினர்களுக்கான தேர்தல் வருகின்ற 27 ம் தேதி நடைபெற உள்ளதால் இதற்காக தமிழக சட்டமன்ற உறுப்பினர்கள் வாக்களித்து தேர்ந்தெடுக்க வேண்டும் என்பதாலும் 6 உறுப்பினர்களுக்கான தேர்தலில் 7 பேர் போட்டியிடும் சூழலில் அதிமுக சார்பில் போட்டியிடும் 4 பேரும் அதிமுக மார்க்சிஸ்ட் ஆதரவுடன் போட்டியிடும் இந்திய கம்யுனிஸ்டு வேட்பாளர் ஒருவரும் வெற்றி பெறுவது நிச்சயம் எனும் நிலையில் மீதியுள்ள ஒரு இடத்துக்கு திமுகவும் தேமுதிகவும் போட்டியிடுகின்ற சூழலில் மமக சட்டமன்ற உறுப்பினர்கள் இருவரின் வாக்குகள் முக்கியத்துவம் பெறுகின்றன! அதிமுக கூட்டணியில் வெற்றி பெற்ற மமக தற்போது திமுக சார்பில் போட்டியிடும் கனிமொழிக்கு ஆத்ரவளித்திருப்பது தமிழக அரசியலில் பரபரப்பை ஏற்படுத்தியுள்ளது! ஏன் இந்த நிலைப்பாடு சற்று ஆய்வு செய்து பார்த்தோமானால் மமகவின் இந்த முடிவு எதனால் என்பது விளங்கும்!

கடந்த தேர்தலில் அதிமுகவை ஆதரிப்பதற்காக மமக உள்ளிட்ட முஸ்லிம் அமைப்புகளால் சில கோரிக்கைகள் வைக்கப்பட்டன. அதை ஏற்று ஜெயலலிதா தனது தேர்தல் பிரசாரக் கூட்டங்களில் ஆட்சி அமைந்தால் இந்தக் கோரிக்கைகளை நிறைவேற்றுவதாகவும் அறிவித்தார் ! தேர்தல் முடிந்து முஸ்லிம்களின் பெருவாரியான வாக்குகளைப் பெற்று மிருகபலத்துடன் ஆட்சியைப் பிடித்தார். ஆட்சியில் அமர்ந்ததும் கூட்டணிக் கட்சிகளை மதியாமல் ஆணவப் போக்குடன் நடந்து கொண்டார். முஸ்லிம் அமைப்புகளை மதியாமல் நடந்ததுடன் முஸ்லிம்களின் வெறுப்புக்கும் ஆளானார்.

முதலாவதாக முஸ்லிம்களின் வாக்குக்களைப் பெற்று ஆட்சிக்கு வந்த ஜெயலலிதா மோடியை தன பதவி ஏற்பு விழாவுக்கு அழைத்தது முகம் சுளிக்க வைத்தது ! கூட்டணி வெற்றிபெறப் பாடுபட்ட மமக உள்ளிட்ட முஸ்லிம் அமைப்புகள் புறக்கணித்தாலும் மோடி வரவேண்டும் என வரவேற்று மகிழ்ந்தார். அது மட்டுமல்லாமல் வேதம் ஓதும் சாத்தனுக்கு வெண்சாமரம் வீசுவது போல் மோடியின் அமைதி ஜ?!} யாத்திரைக்கு அமைச்சர்களை அனுப்பி வைத்து வெந்த புண்ணில் வேல் பாய்ச்சினார்.இருப்பினும் மமக பொறுமையுடன் கூட்டணியில் நீடித்தது!

இரண்டாவதாக வந்த உள்ளாட்சி தேர்தலில் யாருடனும் கூட்டணி இல்லை என ஆணவப் போக்குடன் அறிவித்து அராஜக வழியில் பெரும்பாலான உள்ளாட்சி அமைப்புகளைக் கைப்பற்றினர்.இப்போதும் மமக இன்னும் காலமிருக்கிறது என பொறுமையுடன் கூட்டணியில் நீடித்தது!

மூன்றாவதாக வக்பு சொத்துக்களை மீட்போம் என தேர்தல் வாக்குறுதி அளித்த ஜெயலலிதா அதற்கென ஒரு துரும்பைக் கூட அசைக்கவில்லை! திமுகவினரிடம் இருந்து சொத்தை மீட்க நில அபகரிப்பு வழக்குகள் தொடுத்து எடுத்த நடவடிக்கையிலும்இ சசிகலா வகையறாக்களிடம் உள்ள தன சொத்துக்களை மீட்பதிலும் காட்டிய அக்கறையில் ஆயிரத்தில் ஒரு பங்கு வக்பு சொத்துக்களை மீட்பதில் காட்டி இருந்தால் பலநூறு கோடி சமுதாய சொத்துக்கள் மீட்கபட்டிருக்கும்! ஆனால் வக்பு வாரிய உறுப்பினர்களை நியமிப்பதிலும் உரியமுறையைக் கடைப்பிடிக்காமல் இசுட்டிக்காட்டியும் திருத்திக் கொள்ளாததால் மமக நீதிமன்றம் சென்று உரிமையை மீட்டு வந்தது!

நான்காவதாக கட்டாயத் திருமணப் பதிவு சட்டத்திலே உள்ள முஸ்லிம் ஷரியத் சட்டத்திற்கு முரணான பிரிவுகளை நீக்குவதாக தேர்தல் வாக்குறுதி அளித்த ஜெயலலிதா அதை நீக்காததோடு மட்டுமல்லாமல்இ எதற்காக இந்தத் சட்டத்தை இஸ்லாமிய சமுதாயம் எதிர்த்ததோ அதை சமாக நலத்துறை மூலம் நடத்தி குழந்தைத் திருமணம் எனக் கூறி இஸ்லாமியத் திருமணங்களை தடுத்து நிறுத்தி முஸ்லிம்களைக் கைது செய்தார் ! இதற்கு எதிராக கூட்டமைப்பு களமிறங்கி பெரம்பலூரில் பிரம்மாண்டமான ஆர்பாட்டம் நடத்தியும் இன்று வரை இது தொடர்கிறது !

ஐந்தாவதாக கடந்த கலைஞர் ஆட்சியில் முஸ்லிம்கள் போராடிப் பெற்ற 3.5மூ இட ஒதுக்கீட்டை அதிகரிப்பதோடு அதில் உள்ள குளறுபடிகளை சரி செய்வேன் எனும் வாக்குறுதி பலமுறை மமக உறுப்பினர்களால் சட்டமன்றத்தில் சுட்டிக் காட்டப்பட்டும் பலனில்லை என்றதால் ஜூலை 6 கோட்டை நோக்கி கோரிக்கைப் பேரணி எனும் மக்கள் மன்றத்திற்கு செல்லும் நிலைக்கு மமக தள்ளப்பட்டது!

ஆறாவதாக பல்லாண்டுகளாக சிறையில் வாடும் முஸ்லிம் சிறைவாசிகளுக்கு அண்ணா பிறந்த நாளில் விடுதலை வழங்க வேண்டும் குறைந்த பட்சம் ஜாமினாவது வழங்க வேண்டும் என சட்டமன்றத்திற்கு உள்ளேயும் வெளியேயும் பலமுறை குரல் எழுப்பியும் பல முஸ்லிம் அமைப்புகள் போராட்டம் நடத்தியும் கண்டுகொள்ளாத ஜெயலலிதா அரசு 'குதிரை குப்புறத் தள்ளி குழியும் பறித்தது' என்பது போல் சிறைவாசிகளின் வழக்குகளை கவனித்து வந்த கிச்சான் புஹாரி உள்ளிட்ட சகோதரர்களையும் கர்னாடக அரசுடன் சேர்ந்து கைது செய்து சித்தரவதை செய்து கொடுமைக்கு உள்ளாக்க துணை புரிந்திருக்கிறது!

மேலும் தொகுதிப் பிரச்சனைகளுக்க்காகவோஇ சமுதாயப் பிரச்சனைகளுக்க்காகவோ மமக உறுப்பினர்கள் சந்திக்க முடியாத முதல்வரால் தேமுதிக அதிருதி உறுப்பினர்களை மட்டும் உடனடியாக சந்திக்க முடிகிறது என்றால முஸ்லிம்கள் கருவேப்பிலைகளா?

இவ்வளவுக்கும் பிறகு இன்னும் காலம் இருக்கிறது பொறுமையுடன் இருந்து கோரிக்கைகளை வென்றெடுக்கலாம் என்று இருந்தால் சமிபத்தில் டெல்லிக்கு சென்றவர் நரேந்திரமோடி எனது நண்பர் அவர் பிரதமர் பதவிக்கான வேட்பாளராக தேர்ந்தேடுக்கப்பட்ட்டிருபது எனக்கு மகிழ்ச்சி ! அவர் ஒரு சிறந்த நிர்வாகி என ஏற்கனவே எரிகின்ற முஸ்லிம்களின் கொதிப்பில் எண்ணெய் வார்த்து விட்டு வந்துள்ளார் !

அது மட்டுமல்லாமல் தில்லி பத்திரிக்கையாளர் சந்த்ப்பில் 'பாராளுமன்றத் தேர்தலில் யாருடனும் கூட்டணி இல்லை 40 தொகுதிகளிலும் அதிமுகவே போட்டியிடும்' என்று கூட்டணிக் கட்சிகளை துச்சமாக தூக்கி எறிந்து கதவை சாத்திய பிறகு மாநிலங்களவைத் தேர்தலில் மமகவின் மதிப்பு மிக்க 2 வாக்கை பெற கருணாநிதி கதவை திறந்து அழைக்கும் நிலையில் மமகவின் இந்த முடிவில் தவறென்ன இருக்கிறது! தன் கட்சி உறுப்பினர்களையே காக்க முடியாத தேமுதிகவுக்கு வாக்களித்து வீணாக்குவதா? மோடியின் தோழிக்கு முஸ்லிகளின் எதிர்ப்பை பதிவு செய்ய கிடைத்த இந்த அருமையான வாய்ப்பை கைவிடலாமா? ஆகையால் மமகவின் இந்த முடிவு சாதுர்யமான முடிவாகவே அரசியல் அரங்கில் பார்க்கப் படுகிறது!

ஆனால் இதை எல்லாம் கணக்கில் கொள்ளாமல் சிலர் வாய் புளித்ததோ மாங்காய் புளித்ததோ எனப் பேசுவது வியப்பளிக்கிறது! மமக சும்மா இருந்திருந்தால் மானத்தை இழந்து ஜெயலலிதா காலில் கிடப்பதா? நிதிஷ் குமாருக்கு உள்ள ரோஷம் உங்களுக்க வராததேன்? என இவர்கள் தான் இரண்டு நாளைக்கு முன்னால் பேசினார்கள்! இப்போ அதே வாய்கள் ஜெயலலிதாவின் ஆதரவைப் பெற்று கருணாதிக்கு வாக்களிப்பது துரோகம் என்று கூறுகின்றனர். அப்படியானால் முஸ்லிம்களின் வாக்கைப் பெற்று ஆட்சிக்கு வந்த ஜெயலலிதா மமக எதிர்த்தும் மோடியை பதவி ஏற்பு விழாவுக்கு அழைத்தது மட்டும் துரோகம் இல்லையா !

மமக 2 தொகுதிகளில் வெற்றி பெற்றது அதிமுகவினால் தான் என்பவர்கள் 231 தொகுதிகளிலும் மமக தொண்டன் மாடாக உழைத்து கூட்டணி வெற்றிக்கு பாடு பட்டதை எந்தக் கணக்கில் வைப்பது?

மேலும் 2பு புகழ் கனிமொழியை ஆதரித்து வாக்களிப்பது ஊழலுக்கு அளிக்கும் வாக்கில்லையா?
என்கின்றனர் ஜெயலலிதாவுக்கு அளித்த வாக்கு மட்டும் என்னவாம் ? அவர் 2பு என்றால் இவர் டான்சி இருவரும் சிறை சென்றவர்கள் ! அந்த வழக்கை நீதிமன்றமும்இ மக்கள் மன்றமும் பார்த்துக் கொள்ளட்டும்! ஊழலை அளவுகோலாக எடுத்து எந்த முஸ்லிம் அமைப்பும் யாரையும் ஆதரிப்பதில்லை ! சமுதாயத்திர்கான கோரிக்கைகளை முன் வைத்துதான் நாம் அரசியல் ஆதரவு நிலைப்பாடு எடுக்கிறோம் !

மேலும் பணம் கை மாறி இருக்கலாம் அதனால் தான் இவர்கள் மாறினார்கள் எனக் கூறுகிறார்கள்! இன்றைய அரசியல் சூழலில் இப்படிக் கேள்வி எழுவது இயற்கை !
ஆனால் யூகங்கள் பெரும்பாலும் பொய்யாகும் அது பாவமாகும் என்று இஸ்லாம் கூறுகிறது! சொல்பவர்கள் தான் அதை நிரூபிக்க வேண்டும் ! முடியவில்லை என்றால்
' யா அல்லாஹ் சமுதாய நலனைப் புறக்கணித்து சுயநலத்திற்காக பணத்துக்காக மமக தலைமை இந்த முடிவை எடுத்திருந்தால் அவர்களை நாசமாக்கு ! இல்லை என்றால் இது போன்ற பொய்யான அவதூறுகளை பரப்புவோரை நாசமாக்கு! என்று அல்லாஹ்விடத்தில் பிரார்த்தனை செய்வோம்! அல்லாஹ் தண்டிப்பதில் கடுமையானவன்!

அடுத்ததாக அணி மாறுவது பச்சோந்தித் தனம் என்கிறார்கள் ! அரசியலை அரசியலாகப் பாருங்கள்! அணி மாறும் இந்தப் பச்சோந்தி தனத்தை செய்யாத அமைப்பு இங்கு ஏதாவது உண்டா ? நாங்கள் 50 ஆண்டு காலமாக ஒரே அணியில் உள்ளோம் எனும் ஒரு அமைப்பைக் காட்டுங்கள்! அமைப்பை விடுங்கள் வாக்களிக்கும் பெரும்பான்மை மக்களும் மாற்றி மாற்றித தானே வாக்களிக்கிறோம் ! அப்படியானால் மக்களும் பச்சோந்திகளா? இத்தனை நாள் நம் முதுகில் சவாரி செய்தார்கள் கொஞ்ச காலம் நாம் சவாரி செய்வோமே !

ஆகையால் மமகவின் இந்த முடிவை சமுதாயத்தின் பெரும்பாலான மக்கள் வரவேற்கவே செய்கிறார்கள் ! அரசியல் நோக்கர்களும் மமகவின் இந்த முடிவை முதிர்சியான முடிவாகவே பார்க்கிறார்கள் ! வேறு எதையும் காதில் வாங்காமல் தொடர்ந்து சமுதாய நலனைக் கருத்தில் கொண்டு செயல் பட்டால் அல்லாஹ நிச்சயம் வெற்றியைத் தருவான் இன்ஷா அல்லாஹ் !

சமுதாய அக்கறையுடன்
-செங்கிஸ் கான்

தொண்டி தமுமுக பொருளாதார உதவிகள் வழங்கும் நிகழ்ச்சி !

பத்திரிக்கை செய்தி !

இராமநாதபுரம் மாவட்டம், திருவாடானை ஒன்றியம், தொண்டியில் பொருளாதார உதவி வழங்கும் நிகழ்ச்சி நடைபெற்றது . இந்த நிகழ்ச்சிக்கு மாவட்ட த.மு.மு.க, ம.ம.க தலைவர் சாதிக் பாட்சா தலைமை தாங்கினார் . மாவட்ட மமக துணை செயலாளர் அஸீஸ் ரகுமான் மற்றும் மாவட்ட M.T.S செயலாளர் முஹம்மதுபிலால் முன்னிலை வகித்தார்கள் . திருவாடானை ஒன்றிய தமுமுக செயலாளர் அக்பர் சுல்தான் மற்றும் P.V.பட்டிணம் கிளை பொறுப்பாளர் ஜலால் ஆகியோர் கலந்து கொண்டனர் . இந்த நிகழ்ச்சியில் திருவாடானையைச் சேர்ந்த சகோதரி உஷா அவர்களுக்கு ரூ. 2,500.00 ம் ,தொண்டியை சேர்ந்த மற்றொருவருக்கு ரூ. 5,000.00 ம் ஆக மொத்தம் ரூ. 7,500.00 பொருளாதார உதவியாக வழங்கப்பட்டது . இதற்கான ஏற்பாடுகளை நகர் நிர்வாகிகள் செய்திருந்தனர் .

நாங்கள் சட்டசபைத் தேர்தலுக்குப் பிறகு அதிமுகவுடன் இல்லை- ஜவாஹிருல்லா

சென்னை: சட்டசபைத் தேர்தலில் நாங்கள் அதிமுக கூட்டணியில் இருந்தோம். அதன் பிறகு நடந்த எந்த ஒரு தேர்தலிலும் நாங்கள் அவர்களுடன் இல்லை. எங்களது வாக்குகள் வீணாகி விடக் கூடாது என்பதற்காக ராஜ்யசபா தேர்தலில் திமுகவை ஆதரிக்க முடிவு செய்தோம் என்று கூறியுள்ளார் மனிதநேய மக்கள் கட்சியின் சட்டமன்றத் தலைவர் ஜவாஹிருல்லா. நேற்று திமுக தலைவர் கருணாநிதியைச் சந்தித்து மனித நேய மக்கள் கட்சி ராஜ்யசபா தேர்தலில் தனது ஆதரவை திமுகவுக்குத் தெரிவித்தது. பின்னர் செய்தியாளர்களிடம் ஜவாஹிருல்லா பேசுகையில்இ மனிதநேய மக்கள் கட்சியின் சார்பில் எங்கள் தலைவர் ரிபாய் தலைமையில் திமுக தலைவர் கருணாநிதியை இன்று சந்தித்தோம். வருகின்ற 27ஆம் தேதி நடைபெற உள்ள ராஜ்யசபா தேர்தலில் திமுக சார்பாக போட்டியிடக் கூடிய சகோதரி கனிமொழி அவர்களுக்கு மனிதநேய மக்கள்கட்சியின் இரண்டு சட்டமன்ற உறுப்பினர்களும் ஆதரவாக வாக்களிப்பார்கள் என்று எங்களுடைய கட்சியின் ஆதரவை தெரிவிப் பதற்காக சந்தித்தோம். ராஜ்யசபா தேர்தலில் அதிமுகவின் நான்கு வேட்பாளர்களும் அதேபோல இந்திய கம்யூனிஸ்ட் கட்சியின் சார்பில் போட்டியிடுகின்ற டி. ராஜாவும் வெற்றி பெற அதிமுகவின் போதுமான வாக்குகள் அளிக்கப்பட இருக்கிற இந்த சந்தர்ப்பத்தில் எங்கள் வாக்குகளை வீணாக்க விரும்பவில்லை. ஆகவே திமுக வேட்பாளருக்கு ஆதரவு தெரிவிக்கிறோம். ராஜ்யசபா தேர்தலுக்கு மட்டும் இப்போது இந்த ஒரு நிலைப்பாட்டை எடுத்திருக்கிறோம். நாடாளுமன்றத் தேர்தல் வரும்போதுதான் அதுகுறித்து்ப பேச முடியும். அதிமுகவுடன் கடந்த சட்டமன்றத்தேர்தலில் கூட்டணியில் நாங்கள் இருந்தோம். அதற்குப் பிறகு நடைபெற்ற எந்த ஒரு தேர்தலிலும்இ அது உள்ளாட்சிமன்றத் தேர்தலாக இருந்தாலும்இ கூட்டுறவுத்தேர்தலாக இருந்தாலும் நாங்கள் அவர்களோடு இல்லை என்றார் அவர். அப்படியானால் கூட்டணி முறிந்து விட்டதா என்ற கேள்விக்கு அவர் பதிலளிக்கையில் இந்த தேர்தலுக்கு இந்த நிலைப்பாடு என்றார் அவர்.

இராமநாதபுரம் சட்டமன்ற உறுப்பினர் முனைவர் ஜவாஹீருல்லாஹ்வின் முயற்சியால் மின் கட்டண வசூல் மையம் கீழக்கரையில் திறக்கபட்டது

நன்றி. நன்றி.. நன்றி...

இராமநாதபுரம் சட்டமன்ற உறுப்பினர் முனைவர் ஜவாஹீருல்லாஹ்வின் நேரடி முயற்சியால் மின் கட்டண வசூல் மையம் கீழக்கரை பேருந்து நிலையத்தில் திறக்கபட்டது. கீழக்கரை நகராட்சிக்கும் மின்வாரியத்திற்கும் இடையே ஏற்பட்ட முரண்பாடுகளை தனி கவனம் செலுத்தி கால தாமதம் ஆகும் நிலையில் இருந்த இம் மையத்தை துரித நடவடிக்கை எடுத்து மக்கள் பயன் பாட்டிற்கு பெற்று தந்தார். கீழக்கரை சமூக அக்கரையாளர்கள் அனைவரும் நன்றி தெருவித்தனர்.

அல்ஹம்துலில்லாஹ்..............

இது சம்பந்தமாக நானும் கீழக்கரை நகர் தமுமுக தலைவர் மற்றும் PRO நாசர். இராமநாதபுரம் சட்டமன்ற உறுப்பினர் முனைவர் ஜவாஹீருல்லாஹ் அவர்களை சந்தித்து வலியுரித்திய போது எங்கள் முன்னால் சம்மந்த பட்ட அதிகாரியை தொடர்பு கொண்டு தாமதத்துக்கான காரணத்தை கேட்டார். மின்வாரிய அதிகாரிகள் மென்பொருள்கள் பெருத்தும் பணிகள் நடைபெறுகின்றது என்று பதில் அழித்தனர் என்பது குறிப்பிடதக்காது.

முஸ்லிம்களின் இடஒதுக்கீட்டை 7சதவீதமாக உயர்த்த வேண்டும் - மமக

நம் பாவங்கள் மன்னிக்கப்பட வேண்டுமா?

இஷ்ரத் ஜகான் போலி என்கவுண்டர்.. சிபிஐயிடம் சிக்குகிறார் உளவுத்துறை சிறப்பு இயக்குநர்!

அகமதாபாத்: குஜராத்தில் இளம் பெண் இஷ்ரத் ஜகான் உள்ளிட்டோர் போலி என்கவுகண்டரில் கொலை செய்யப்பட்ட வழக்கில் ஒரு உளவுத்துறை அதிகாரிக்குத் தொடர்பு இருப்பது உறுதிப்படுத்தப்பட்டுள்ளதாக சிபிஐ தெரிவித்துள்ளது. ஐபி எனப்படும் உளவுத்துறையில் பணியாற்றி வரும் முக்கியமான அதிகாரி அவர் என்று சிபிஐ கூறியுள்ளது. அந்த அதிகாரிக்கு இந்த கொலையில் உள்ள தொடர்புக்கு போதுமான ஆதாரங்கள் கிடைத்திருப்பதாகவும் சிபிஐ கூறியுள்ளது.

இராமநாதபுரத்தில் ஆம்புலன்ஸ் அர்ப்பணிப்பு

பேராசிரியர் ஜவாஹிருல்லா எம்.எல்.எ அவர்களின் சிறப்புப் நிகழ்ச்சி

பொய் வழக்குப் போட்ட தேவிபட்டிணம் காவல்துறையைக் கண்டித்து பொங்கி எழுந்த தமுமுக.

தொண்டி தமுமுக கிளைசார்பாக மருத்துவ உதவி

பத்திரிக்கை செய்தி !

இராமநாதபுரம் மாவட்டம் ,திருவாடானைவட்டம் தொண்டி தமுமுக கிளைசார்பாக மருத்துவஉதவி வழங்கும் நிகழ்ச்சி  நடைபெற்றது. தொண்டி ஓடாவி தெருவை சேர்ந்த பெண்ணுக்கு மருத்துவ உதவியாக ரூ 2,000.00 மும் , தொண்டியை சேர்ந்த மற்றொருவருக்கு ரூ 2,000.00 மும் ஆக மொத்தம் ரூ 4,000.00 ம் மருத்துவ உதவியாக வழங்கப்பட்டது. இதில் மாவட்ட தமுமுக ,மமக தலைவர் சாதிக் பாட்சா , மமக மாவட்ட துணை செயலாளர் அஜீஸ் ரகுமான் , ஒன்றியசெயலாளர் அக்பர் சுல்தான்  மற்றும் நகர் தமுமுக நிர்வாகிகள் கலந்து கொண்டனர்.

மனிதநேய மக்கள் கட்சிக்கு வாருங்கள் ... ஜவாஹிருல்லா அழைப்பு

தொண்டியில் முதியோர்,விதவைகள் நலத்திட்ட அரசு ஆணைகள் வழங்கும் நிகழ்ச்சி !

பத்திரிக்கை செய்தி !

இராமநாதபுரம் மாவட்டம், திருவாடானை தாலுகா ,தொண்டியில் முதியோர்,விதவைகள் மற்றும் கணவரால் கைவிடப்பட்டவர்களுக்கு சமூக பாதுகாப்பு  நலத்திட்ட அரசு ஆணைகள் வழங்கும் நிகழ்ச்சி, மாநில மமக அமைப்பு செயலாளர் மண்டலம் ஜெயினுலாப்தீன் அவர்களின் முன்னிலையில் ,இராமநாதபுரம் மாவட்ட தமுமுக ,மமக தலைவர் சாதிக் பாட்சா தலைமையில் நடைபெற்றது . இந்தநிகழ்ச்சியில் தொண்டி,நம்புதாளை ,புதுப்பட்டினம் ஆகிய ஊர்களை சேர்ந்த 21 பயனாளிகளுக்கு அரசு ஆணைகள் பெற்று வழங்கப்பட்டது . பயனாளிகளுக்கு அரசு ஆணைகளை மாநில செயலாளர் வழங்கினார் உடன் மமக மாவட்ட துணை செயலாளர் அஸீஸ் ரகுமான் ,ஒன்றிய செயலாளர் அக்பர் சுல்தான் ,நகர் பொருளாளர் அப்துல் ரகுமான் ,ஷேக்,P.V.பட்டிணம் ஜலால்,பாச்சாளை சேக் முஹம்மது,அன்சாரி,காதர்,அஜ்மீர்  ஆகியோர் கலந்து கொண்டனர் .